Ukudibana kwamaxhwili alambileyo, iimpuku namalulwane ngesidlo sangokuhlwa kwakunye nobuhle bendalo obungenasiphelo.
La ngamava kasomava nokwasisithethi esikhuthazayo, u-Riaan Manser, awathi wawaqokelela ngethuba leminyaka emibini ekhenketha i-Afrika ngebhayisekile. Lo ka-Manser wahamba umgama ongama-35, 500km kwaye wanqumla kumazwe angama-34. Amanye amazwe ayenobubele kakhulu ngethuba amanye ayenobungozi obukhulu kakhulu.
Wagaleleka eKapa ngomhla wama-25 kuNovemba 2005 emva kokuba uhambo lwakhe lwabhalwa kwincwadi ethi, “Around Africa on my Bicycle.”
Iqela lezentengiso lika-Manser lithi oluhambo lwebhayisekile luyenye yezizathu zokuba anikwe iwonga Lamava Onyaka ngo-2016. La mava ashicilelwa kwincwadi yabantwana, My First African Adventure.
Le ncwadi iyafumaneka ngesi-Afrikaans. Sibulela i-Stigting vir Bemagtiging deur Afrikaans (SBA) ngokuxhasa uguqulo lwencwadi ngemali.
U-Sandra Prinsloo, ongusihlalo we-SBA, weva u-Manser ethetha ngencwadi yakhe kunomathotholo kwaye wacela i-SBA ukuba iyiguqulele kwisi-Afrikaans.
Usomaqhuzu wase-SBA, u-Niel le Roux, uthi: “Siyazingca kakhulu ngokuthi sibenako ukuguqula le ncwadi ibhalwe ngesi-Afrikaans ngoba abathethi bolu lwimi baza kukwazi ukuwonwabela la mava yaye babone okuqulathwe yi-Afrika.
“Inyathelo elilandelayo kukushicelela okubaliswayo kusiwe kwisi-Afrikaans ngoba okubaliswayo kungesiNgesi okwangoku nje. “
U-Manser wawundwendwela umzi we-SBA e-Bellville ngomhla wama-21 kuSeptemba kwaye wabulela iinzame zokuguqulwa kwencwadi ibhalwe ngesi-Afrikaans.
