Ucweyo ngobuNzululwazi beeKhemikhali – chemical science workshop
“Ngamanye amaxesha ukuthetha ngesifundo sobuNzululwazi bamaChiza okanye beeKhemikhali (Chemical Science) kuba nzima kakhulu. Kodwa kolu cweyo ndifunde indlela yokusenza lula kwaye ndisigcine sinika umdla kubafundi.” Utshilo u-Shirley Cook, ongutitshala e-La Trobe Primary School e-Enon, emva kocweyo lwamachiza ngoMgqibelo obe lubanjwe yinkampani exhobisa ngesi-Stigting vir Bemagtiging deur Afrikaans (SBA).
U-Cook uyenye yeetitshala zaseMpuma Kapa eziqikelelwa kuma-20 ebezizimase ucweyo e-Kirkwood. Ezi nkcweyo zibanjelwa kwiindawo ezahlukileyo, zenzelwe ootitshala abafundisa amabanga asezantsi kwaye oku kwenziwa ngentsebenziswano ne-Stellenbosch University Chemistry Outreach Initiative (SUNCOI).
Ootitshala khange baziyekele kwaye abakhange balibazise ekunxibeni iidyasi zabo zase-labhorathri kolu cweyo lomsebenzi obonakalayo. Benze imifuniselo okanye ii-ekhsperimenti ezisibhozo ezibonakalayo, besebenzisa izinto zasekhaya ezifana neviniga, i-oyile yokupheka, amanzi, umgubo wokubhaka kunye ne-baking soda.
UGqr. Rehana Malgas-Enus, ongumhlohli omkhulu kwiSebe lobuNzululwazi lwamaChiza ne-Polymera kwiFakhalthi yobuNzululwazi ngeNdalo phaya kwiYunivesithi yase-Stellenbosch, ubhexeshe ezi nkcweyo. Uncediswe nguJabu Lukhele okwa lilungu leli sebe. U-Malgas-Enus uthi baphoswe kakhulu zizinto ezininzi ngethuba lekhovidi-19. “Kulo nyaka sizimisele ukuzigcina iinjongo zethu nezinto esizinikezele kuzo.”
Kulo nyaka olu cweyo lwase-Kirkwood belubanjwe okwesine. Olokuqala luqhutyelwe e-Kranshoek e-Plettenberg Bay, lwalandelwa lolunye e-Atlantis kwakunye nolunye e-Springbok, eMntla Kapa. “Zonke ezinkcweyo beziyimpumelelo. Siye silubone luyimpumelelo xa utitshala enehlombe kwakho ngesifundo esi kwaye ejonge phambili ukwabelana nabafundi ngale mifuniselo.”
U-Wayne Basson, ongumfundisi-ntsapho e-Mistkraal RC Primary School e-Kirkwood, uyincomile imisebenzi ye- SBA ne-Suncoi. “Ukuba bendiyonwabele ngohlobo endiyonwabele ngayo, kucacile nabantwana baza kuyonwabela. Ndijonge phambili ukuyenza le mifuniselo nabantwana eklasini.”
I-SBA ne-Suncoi ziye zamema abafundi bematriki abaphuma kwizikolo ezahlukileyo kwingingqi ye-Nelson Mandela Bay. Aba ngabafundi abenza izifundo zobunzululwazi kwaye basiwe kwilabhorathri yobunzululwazi yeYunivesiti yase-Nelson Mandela. Ukundwendwela ezi labhorathri yinxalenye yenkqubo yamachiza ye-SBA kwaye inika abafundi ithuba lokungcamla amabakulindele kwinkalo yabo yokufunda. Abafundi bebeqala ngqa ukungena phakathi elabhorethri.
U-Gerswin Cupido, ongumphathi weprojekthi e-SBA, uthe le nkqubo yamachiza/yeekhemikhali iphele ikwinqanaba eliphezulu. “Ibingumdla omkhulu ukubona abafundi bezonwabele ngethuba bekwilabhorathri. Olu cweyo lwase-Kirkwood lwamkelwe ngokuncomekayo ngootitshala.”
